Hreyfingin "Drepum boðberann"

Enn lifir í stjórnmálahreyfingu útrásarvíkinga sem vildu stela Íslandi af landsmönnum. Bókstaflega. Fyrst með þjófnaði banka, sparisjóða og lífeyris. Síðan með sölu landsins til Evrópusambandsins - aðallega sjávarlögsögu með tilheyrandi fiskveiðiréttindum og olíuréttindum á hafsbotni upp að 12 mílna landhelgi.

Miklar árásir hafa verið gerðar á þjóðina með Icesave atlögunum, tilraunum til afnáms stjórnarskrárinnar frá 17. júní 1944, innleiðingu landsdóms til að ofsækja lýðræðislega kjörna fulltrúa, sem stóðu vaktina og spyrntu við fótum gegn banksterum og stjórnmálaleiguþýi þeirra aðallega innan vébanda Samfylkingarinnar. Aðför hefur verið gerð að einkaframtaki og reynt að kippa undan fótunum að aðalundirstöðuatvinnuvegum landsmanna, sjávarútvegi og landbúnaði.

Þjóðin hefur staðið vaktina og mun svo gera áfram. Hugur sjálfstæðs fólks er æðri taumlausri gróðafíkn útrásarvíkinga og valdahroka keyptra stjórnmálamanna. Þjóðin hefur liðið stórskaða af lögbrotum krataklíku og fjármálaglæpamanna. Kratar hafa rutt þjóðarhningnun braut með árásum á allt það besta sem þjóðin á, Alþingi og lýðræðið. 

Ræða prófessors Svans Kristjánssonar á útifundi aðildarsinna var andleysisræpa. Þar er öllum staðreyndum snúið á haus og umbúðarlaus afhending sjálfstæðis landsins till Evrópusambandsins falin í frásögn um stofnun lýðveldisins 1944 og sjálfseignuðum tilvitnunum í Martin Luther King. Uppgjöf menntaklíku 101 Reykjvík fyrir því að byggja upp landið á sjálfstæðum grundvelli í samvinnu við aðra landsmenn á lýðræðislegan hátt, er dauðastuna þeirra sem vilja láta aðra borga eigið uppihald gegnum skattheimtu og Brússelska brauðmola.

Þessi uppgjöf hefur reynt að finna farveg í sífelldum árásum á lýðræðisstofnanir okkar eins og Alþingi, forsetaembættið, ríkisstjórnarfyrirkomulag - í einu orði sagt: stjórnarskrá lýðveldisins, sem þjóðin samþykkti á Þingvöllum 17. júní 1944. Eða "alvaldið" eins og prófessorinn kallar það. Ýmsir viðstaddir 7. fundinn gátu vart vatni haldið af hrifningu yfir tillögunni um að afnema sjálfstæð völd landsmanna við gæslu fjöreggsins og flytja það í hendur búrókratanna í Brussel.

Alveg frá kollsteypu útrásarvíkinganna hefur leiguþý þeirra í stjórnmálum reynt að koma höggi á Sjálfstæðisflokkinn. Sérstaklega hefur verið ráðist á Davíð Oddsson sem enn er gefið að sök að vera "valdamesti" maður Íslands. Ef staðreyndir tala, þá er þetta líklega alveg rétt. Morgunblaðið er einn af fáum boðberum staðreynda í fjölmiðlaheiminum og því ber að fagna, að landsmenn taki staðreyndir fram yfir orðablaður sumra háskólagenginna manna.  

 

Evrópumálið of fyrirferðarmikið

Athugasemdir

[Helga Kristjánsdóttir, 4.5.2014 kl. 23:30]

Góð grein Gústaf Adolf.

[Hrólfur Þ Hraundal, 5.5.2014 kl. 07:08]

Takk Gústaf, þörf upprifjun.  Það er um hugsunar efni hversvegna þetta fólk sem bölmóðast yfir öllu Íslensku flytur ekki bara til Spánar. 

Spánn er í Evrópusambandinu og Spánn er með Evru og Spánn ætlar hvað sem það kostar að komast yfir Íslensk fiskimið. 

Allt eru þetta áhugamál aðildarsinna og gætu þessir aðilar búandi á Spáni mun fremur aðstoðað Spánverja við að ná undirsig afrakstrinum af Íslenskum fiskimiðunnum.    

[Gústaf Adolf Skúlason, 5.5.2014 kl. 08:08]

Þakkir Helga og Hrólfur fyrir góð orð, þörf spurning Hrólfur, sumir selja sig fyrir lítið.

kær kveðja, Gústaf Adolf

[Óli Már Guðmundsson, 5.5.2014 kl. 13:05]

Morgunblaðið boðberi staðreynda, er þetta ekki sagt í gríni.