Færsluflokkur: Útvarp

Er Útvarp Saga á barmi gjaldþrots?

utvarp-saga-logo

Þegar ársskýrslur Útvarps Sögu undanfarin 3 ár eru skoðaðar kemur í ljós að félagið er í dúndrandi taprekstri. Tap félagsins fyrir 2022 er 20.729.660 kr og fyrir ár 2021 var tapið 16.244.311 kr eða samtals krónur 36.973.971 kr. Starfsmannakostnaður hefur meira en fimmfaldast á 3 árum og orðinn að öðrum stærsta útgjaldaliði félagsins. Í skýrslu stjórnar segir, að Arnþrúður Karlsdóttir sé eini hluthafi félagsins með 100% eign á hlutabréfum að andvirði 500.000 kr. Einnig segir að Eiginfjárhlutfall félagsins í árslok samkvæmt efnahagsreikningi sé -51,2%.

Það er því eðlilegt miðað við fjárhagsstöðuna, að Útvarp Saga hafi tjáð Morgunblaðinu fyrir tæpu ári, að félagið ætlaði að selja 20% í stöðinni til að spyrna við taprekstri og hóf félagið að auglýsa útboð hlutafjár í lok árs 2022. Enn er of snemmt að segja um hvernig sú sala hefur gengið en undirritaður keypti bréf fyrir sömu skráðu upphæð og 100% núverandi hlutabréfa í lok 2022. Skemmst er frá því að segja að engin kvittun hefur enn borist, hvað þá neitt hlutabréf, sem verður að telja ámælisvert og varla í anda laga um einkahlutafélög. Upphaflega tilkynnti stjórnin, að sala hlutabréfa færi fram í tengslum við stórt endurskoðendafyrirtæki og meiningin var að kaupendur hlutabréfa gætu gengið frá kaupum á heimasíðu Útvarps Sögu. Sama sagan þar, engar efndir. Það verður því fróðlegt að fylgjast með næstu ársskýrslu félagsins sem væntanleg er á næsta ári ef félaginu tekst að lifa svo lengi.

42 milljóna gjaldþrot Útvarps Sögu 2014

Útvarp Saga hefur áður verið til gjaldþrotaskipta samanber frétt Morgunblaðsins. Segir í fréttinni að ekkert hafi fengist greitt upp í 42,5 milljóna kröfur í þrotabú félagsins. Haldi tapreksturinn áfram með sama taprekstri og efnahagsskýrslur félagsins sýna og félaginu tekst ekki að fá hlutafjáraukningu til að mæta tapinu, þá má búast við endurteknu gjaldþroti félagsins á næstu misserum. Miðað við það verða keypt hlutabréf ónýt. Enginn veit hvert markaðsverð hlutabréfa Útvarps Sögu eru, þar sem enn hafa ekki borist upplýsingar um sölu og verð bréfanna.

Saga Survivors Club

Undirritaður sem verið hefur viðloðandi stöðina í um 15 ár og síðustu ár með titilinn „fréttamaður í Svíþjóð" gerði smá úttekt á innlendum fréttum um sögu félagsins Útvarp Saga. Kom þá í ljós fjöldinn allur af einstaklingum sem hafa á einn eða annan hátt verið hraktir frá stöðinni eða hreinlega bolað út. Sum þeirra mála hafa endað í dómstólum og ekki alltaf í hag eigenda stöðvarinnar. Undirritaður heyrði væl útvarpsstjórans nýlega sem hikar greinilega ekki við að nota rásina til að básúna út lygum um þá sem henni er illa við. Lýsti hún því yfir að hún væri kona og eigandi Útvarp Sögu. Það voru þá nýjar fréttir. Hún lýsti undirrituðum sem „vælandi karlmanni á facebooksíðum sem þyldi ekki að kvenmaður væri yfirmaður sinn" og lýsti því yfir að „viðkomandi leyfði sér ýmislegt gagnvart konum sem ekki viðgengist gagnvart körlum." Er um endurtekningu á sama handriti og hún flutti árið 2004 þegar Jón Magnússon lögfræðingur kom henni til hjálpar og bjargaði stöðinni í höndum hennar. Í frétt Morgunblaðsins þá sagði:

„Arnþrúður seg­ir að svo virðist sem hinir hlut­haf­arn­ir tveir hafi ekki getað starfað með sig sem yf­ir­mann. – Ég sé ekki fram á að þeir myndu koma svona fram við karl­mann."

Síðar var sama handrit enn flutt, þegar Jóni Magnússyni, þeim ágætis lögmanni, sem hafði hjálpað stöðinni í lengri tíma var bolað burtu. Eftir þessi mörgu nöfn sem segja sömu sögu, þá er undirrituðum ljóst að hann er nýjasti meðlimur í klúbbi eftirlifanda í Saga Survivors Club. Aðrir klúbbmeðlimir, sumir landsþekktir eins og t.d. Ólafur Ísleifsson og Ólafur Arnarsson voru með þátt á Sögu og var úthýst allt í einu. Höskuldur Höskuldsson var með þátt á Sögu og var allt í einu úthýst og síðan ausið yfir hann dylgjum og rógburði samtímis og eiginkona hans var með banvænt krabbamein. Sigurður G. og Guðmundur Ólafsson prófessor voru með þátt á Sögu og var úthýst allt í einu. Gústaf Níelsson og Hildur Helga Sigurðardóttir voru látin hætta allt í einu og þurftu að sækja launin sín í málaferlum, sem þau unnu og það sama gerði Sigurður G. Edith Alvarsdóttir þurfti að hætta allt í einu enda var hún eins og svo margir aðrir farin að skyggja á prímadonnuna.

Þeim var ég verst er ég unni mest

Útvarpsstjórinn virðist sjálfri sér verst. Bandar þeim frá sem best reyna að aðstoða og hjálpa stöðinni. Sú brók er orðin lengri en Hallgerðar og ekki hægt að trúa lengur að allir auglýsendur séu vondir og öll vandamál stöðvarinnar séu vondu fólki að kenna. Eiginlega er hugmynd stöðvarinnar að lífnæra sig á þeim sem vorkenna stjórninni og borga henni peninga: „Vorkennið mér og borgið fyrir það!" eru hin eiginlegu kjörorð stöðvarinnar. Með skorti á tillitssemi gæti einhver haldið því fram, að viðskiptahugmynd stöðvarinnar væri að selja út neyð annarra. Alla vega er stöðin ekki sú trygging fyrir málfrelsi sem heyrist í kjörorðinu: „Tölum á meðan aðrir þegja." Ekki mátti skrifa greinar um Covid um mánaðarmótin, vegna þess „hversu margir af stuðningsmönnum stöðvarinnar eru bólusettir og fá útborgað þá." Fleiri dæmi finnast og bíða síðari tíma.

Sjá einnig: gustafadolf.com/

Hér að neðan má sjá brot úr efnahagsreikningum félagsins 2021 og 2022:22

13

 

 

 

 

 

 

 

 

 

 

 

 

 

 

 

 

 

 

 

 

 

 

 


Er það stefna RÚV að hengja beri 45. forseta Bandaríkjanna? Agli Helgasyni finnst það.

149977302_894618871349579_5104479468561317986_nEgill Helgason er flestum kunnur sem þáttarstjórnandi m.a. Silfur Egils hjá sjónvarpinu. Hann skrifar færslu á Facebook sunnudag 14. febrúar sjá skjáskot að ofan, þar sem hann lýsir áhyggjum sínum yfir „refsileysi" Bandaríkjanna gagnvart Donald Trump 45. forseta Bandaríkjanna. Með fylgir mynd af gálga með snöru svo ekki verður annað ráðið en að snaran hæfi sem nægjanleg refsing fyrir Trump svo Egill geti látið af áhyggjum sínum.

Þetta er hatursumræða á félagsmiðlum í boði starfsmanns RÚV.

Er það opinber stefna RÚV að hengja beri Donald Trump? Ef ekki – er það við hæfi að opinberir starfsmenn RÚV séu að dreifa hatursumræðu á félagsmiðlum burtséð frá því hvort þeir geri það í vinnutíma eða í frítíma?

Í Svíþjóð hefur starfsmönnum sjónvarpsins sem gleyma því hjá hvaða fyrirtæki þeir vinna í frítímanum verið vikið úr störfum fyrir minni sakir en útbreiðslu boðskapar um hengingu fyrrverandi Bandaríkjaforseta.

Vilja skattgreiðendur greiða fé fyrir hatursumræðu á félagsmiðlum?

Einfaldasta málið fyrir alla væri að víkja Agli Helgasyni úr starfi.

Ég er stuðningsmaður slíkrar tillögu.

 


Hefur RÚV raunverulega birt þetta heilaþvottarefni fyrir 8 - 12 ára börn á Íslandi?

17496114_10154577557357725_1999166627_nRÚV virðist alveg hafa gengist upp í Norður-Kóreönskum hugsunarhætti og sjónvarpið notað sem heilaþvottarmiðstöð á íslenskum börnum með áróðri gegn Bandaríkjamönnum. Hvað annað er hægt að segja, ef satt er, að myndin hérna ofan með textanum "Trump er Hitler" hafi verið birt í sjónvarpi landsmanna?

Ef nú einmitt þessi mynd hafi ekki verið birt heldur sé hún bara "í plati" Kosninga 2016 sem birtir samantektarmynd með heilaþvottardæmum krakkafrétta, þá breytir það ekki eðli heilaþvottarins sem íslensk börn sitja undir þar sem dælt er í þau lygaáróðri um Bandaríkjaforseta. Sagt er að Bandaríkjaforseti sé bendlaður við öfgamenn sem aðhyllast kynþáttahatur, að Bandaríkjaforseti hati fólk með annan húðlit en hann sjálfur, monti sig af því að koma illa fram gagnvart konum og sýni þeim óvirðingu, að Bandaríkjaforseti sé einræðisherra sem berjist gegn frjálsum fjölmiðlum og svo framvegis. 

Hvorki starfsmenn RÚV né alþingismenn skulu halda að ekki spyrjist út um heilaþvottinn á tímum þeirrar samskiptatækni sem ríkir í dag. Ef Alþingi lætur þennan heilaþvott afskiptalausan gætu eflaust einhverjir farið að skifta sér af málinu, sem ekki er víst að yrði svo hagstæð útkoma fyrir Ísland. Í slíku dæmi gæti hugsanlega farið svo, að viðskiptabann yrði sett á íslenskar vörur jafnvel þótt utanríkisráðherrann biðjist opinberlega afsökunar og ríkisstjórnin kæmi með haldbæra áætlun um hvernig ósóminn verði upprættur hjá ríkisfjölmiðlinum. 

17439877_10154577545592725_2130517003_n

17495883_10154577545902725_1078867012_n17474532_10154577546092725_1361287298_n

Myndbandið má sjá á https://www.facebook.com/Kosningar-2016-1311192595566318/?fref=ts


"Rannsóknarblaðamennirnir" ljúga í einum kór. Sjáið sönnunargögnin hér.

Það er makalaust að verða vitni að því, að ríkisfjölmiðlarnir RÚV og SVT ásamt Jóhannesi Kr. Kristjánssyni í Reykjavík Medía halda því blákalt fram, að enginn undirbúningur hafi verið gerður fyrir viðtalsþáttinn fræga við þáverandi forsætisráðherra Íslands, Sigmund Davíðsson.

Úr yfirlýsingu Reykjavík Media:
"Það er því ekki rétt sem Sigmundur Davíð hélt fram á miðstjórnarfundi Framsóknarflokksins í dag að hann og starfsfólk hans hafi aflað gagna og reynt að svara öllum spurningum varðandi Wintris Inc og að handrit að þættinum hafi verið skrifað fyrirfram.

Undir þessa yfirlýsingu skrifa Jóhannes Kr. Kristjánsson, ritstjóri Reykjavik Media, Aðalsteinn Kjartansson, fréttamaður Reykjavik Media, Þóra Arnórsdóttir, ritstjóri Kastljóss RÚV, Helgi Seljan, fréttamaður Kastljóss RÚV, Nils Hanson, ritstjóri Uppdrag Granskning SVT, Sven Bergman, fréttamaður Uppdrag Granskning SVT, Gerard Ryle, framkvæmdastjóri ICIJ. Í Svíþjóð sýndi SVT þátt, þar sem undirbúningnum var lýst mjög nákvæmlega, m.a. 81 dögum fyrir upptöku viðtalsins við Sigmund Davíð Gunnlaugsson. Var þessi þáttur ekki sýndur á Íslandi?Skärmavbild 2016-06-05 kl. 10.00.36 

Sænska sjónvarpið á "leynistað" Jóhannesar Kr. Kristjánssonar, sumarbústað í Borgarfirði 12. jan. 2016. Jóhannes segir stoltur: "81 dagar, 23 tímar og 15 mínútur eru þar til kvöldfréttirnar hefjast."Skärmavbild 2016-06-05 kl. 10.01.29 

Njósnað við stjórnarráðið í ReykjavíkSkärmavbild 2016-06-05 kl. 10.02.14.

Jóhannes setur svarta plastpoka í glugga á heimili sínu til að hindra að hægt sé að sjá inn.Skärmavbild 2016-06-05 kl. 10.04.58

"Við þurfum að undirbúa allt og æfa viðtalið og vera viðbúnir öllu."
Skärmavbild 2016-06-05 kl. 10.05.52

 

 

 

 

 

 

 


"Þetta er aðalmyndatökuvélin sem filmar forsætisráðherrann?"
Skärmavbild 2016-06-05 kl. 10.06.33"Það skiptir engu máli, hvort hann segir "já" eða "nei". Það verður merkið til þín að taka yfir."
Skärmavbild 2016-06-05 kl. 10.06.09

 

 

 

 

 

 

 




"Ef forsætisráðherrann stendur upp og fer vill ég geta fylgt eftir honum."

 

 


mbl.is Hafna fullyrðingum Sigmundar
Tilkynna um óviðeigandi tengingu við frétt

Ritskoðunarútvarp ríkisins lakari valkostur en útvarp Saga.

skaermavbild_2014-03-04_kl._13.37Það eru fleiri en utanríkisráðherrann Gunnar Bragi Sveinsson, sem hafa lent í ritskoðun ríkisútvarpsins.

Að lýðræðiskjörnir fulltrúar geta ekki lengur treyst því að rétt sé eftir þeim haft í Ríkisútvarpinu er til marks um hvers slags skúmaskot stofnunin er búin að skapa fyrir fréttaflutning af landsmálum. Ríkisútvarpið er ekki lengur fagleg fréttastofa heldur hefur breyst í gróðrarstíu framapotara frá aðallega Samfylkingunni. Vaxa þeir upp sem "andlit" og "raddir" innan veggja heimilanna. Markmiðið er að notfæra sér kynninguna fyrir betri störf seinna meir, t.d. að sækja um stöðu forseta Íslands, fara í stjórnmálabaráttu o.þ.h. Vegna samþjöppunar framakrata á RÚV er miðillinn hertekinn einni stjórnmálaskoðun og þjónar allt öðrum tilgangi en lýst er með reglum stofnunarinnar. Hvað eftir annað kemur fram í viðtölum einstakra spyrjenda við stjórnmálamenn, að stjórnmálamenn fá ekki að tala heilar setningar og stöðugt er gripið frammí fyrir þeim. Stjórnmálamenn liggja undir yfirheyrslum um ákveðin atriði og skiptir engu þó þeir komi með rökstuðning og staðreyndir mála, mikilvægast er fyrir spyrjenda að koma "höggi" á viðmælendur. Gert er lítið úr lögmætum, lýðræðislega kjörnum fulltrúum landsmanna en mikið úr "þekkingu" spyrjenda, sem þá koma út sem hæfari einstaklingar og "sigurvegarar" úr karpinu.

Ef þetta væri grínleikur barnaskólanema í bakgarði væri kanski hægt að láta málið eiga sig. En þar sem um sameiginlegan ríkisfjölmiðil kostaðan af almenningi er að ræða, þá breytist málið. Lágmarkskrafa til ríkisútvarps er að starfsmenn þess hafi fjölmiðlakunnáttu og sýni viðmælendum kurteisi. Það er ekki hlutverk starfsmanna ríkisútvarpsins að klippa sundur og velja innihald viðmælenda eftir eigin geðþótta, heldur að nota miðilinn til að miðla skoðunum viðmælenda og röksemdarfærslum. Hleypa að viðmælendum svo hlustendur heyri og geta kynnt sér sjónarmið þeirra.

sagaRíkismiðill, sem er notaður fyrir persónulegar skoðanir starfsmanna og persónulegt framapot þeirra, fyrirgerir tilverurétti sínum. Krafa utanríkisráðherrans er skiljanleg og er gæðakrafa til starfsamanna ríkismiðilisins, að þeir vinni störf sín t.d. að vera það vel undirbúnir að þeir geti með einföldum efnislegum spurningum fengið hnitmiðuð svör en ekki eins og oft sést og heyrist að leitað er lags til að lítillækka viðmælandann.

Einkastöðin Útvarp Saga hefur allt annan stíl og sækist eftir fólki virkt í skoðunum, þar sem allar stjórnmálaskoðanir hafa aðgöngu svo lengi sem menn eru kurteisir og lausir við rógburð um náungann.

Það færi betur á að ríkið gerði samning við Útvarp Sögu og leggði niður ritskoðunarútvarpið. 


mbl.is „Ef þið klippið ekki allt til“
Tilkynna um óviðeigandi tengingu við frétt

Kergjaður kverúlanti menntaklíku Ríkisútvarpsins dregur fallna stofnun neðar í botnlaust dýið

dreamstime_xs_17861347

Ég horfði á viðtal nýstjörnu sjónvarpsins við forsætisráðherra Íslands og verð að játa, að nýstirnið Gísli Marteinn Baldursson kom mér fyrir sjónir sem verjandi stjórnenda Ríkisútvarpsins gagnvart ríkisstjórn, sem draga vill úr þenslu stofnunarinnar og gerir hærri kröfur um fréttaflutning en ríkisútvarpið getur með núvarandi mannskap innt af hendi.

Engu er líkar en Gísli Marteinn vilji vera HE-MAN starfsfélaga á sökkvandi fréttaskútu sem búin er að vera í Prövduhlutverki frá því, að þjóðin stöðvaði Icesave og ólmugang heilaþveginna ESBara, sem vart geta sagt neitt annað en Hallelúja ESB og evra.

Gremjan hjá ríkisútvarpsstjórnendum hefur breyst í þvingandi biturleika og það hefur því verið auðvelt fyrir hinn unga krossfara að fá sérstöðu til að bjarga rúvurum í aðþrengdri stöðu. Blinda stjórnenda RÚV er í þvílíkri hróplegri andstöðu við grunnstaðreyndir daglegs lífs venjulegra meðborgara, að hafi það áður verið rætt í alvöru, að stofnunin þyrfti á endurskipulagningu að halda, þá hefur Gísla nú tekist að opna fyrir það að leggja megi Ríkisútvarpið niður. Gísli Baldursson sýnir ekki að honum hafi tekist að læra almenna mannasiði þrátt fyrir áralanga skólsetu, jafnvel 7 ára gömul börn kunna meiri kurteisi en Gísli sýndi í viðtalinu við forsætisráðherrann.

Mér eru minnistæðar árásir sjónvarpsins á forseta Íslands í síðasta forsetaframboði, þar sem búin var til áróðursmynd sem sýndi forsetann sem gamaldags og gleyminn mann, sem ekki skildi nútímann og svo átti sjónvarpsstjarna í forsetaframboði bara að brosa og fá atkvæðin í staðinn. Árás Gísla Marteins Baldurssonar í dag á Sigmund Davíð Gunnlaugsson er í sama stíl, enginn áhugi að heyra, hvað þá hlusta á orð forsætisráðherrans, eini tilgangurinn var að rakka forsætisráðherrann niður og niðurlægja í ríkisfjölmiðli með orðaskylmingum. Gísli Marteinn Baldursson hefur sjálfsagt æft sig mikið en er gikkfastur í eigin skoðunum og því óhæfur í því starfi, sem skattgreiðendur borga honum laun fyrir. Þar skilur mjög á þeim verðmætum sem fást fyrir krónurnar milli hans annars vegar og forsætisráðherrans hins vegar.

Hverslags sjónvarp er almenningur að greiða fé fyrir?!

Ríkisútvarp sem aðallega er notað sem tæki fyrir stjórnmálapotara Samfylkingarinnar er fullkomin tímaskekkja. Betra væri að landsmenn héldu eftir útvarpskrónum sínum og gætu sjálfir valið hvaða stöð þeir vilja gerast áskrifendur að. 


mbl.is „Vá. Þetta var furðulegt“
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband